ملتان (این این آئی) — ملتان میں ایک نوجوان شوہر نے اپنی ناراض بیوی کو منانے کے لیے ایسا غیر معمولی قدم اٹھایا کہ سب حیران رہ گئے۔ 27 سالہ محمد بلال نامی شخص گردیزی موڑ کے قریب بجلی کی ہائی ٹرانسمیشن لائن کے کھمبے پر چڑھ گیا۔
واقعے کی اطلاع پر اہل علاقہ بڑی تعداد میں موقع پر پہنچ گئے اور بلال کو نیچے اتارنے کے لیے منت سماجت کرنے لگے۔ کچھ دیر بعد تھانہ بستی ملوک کی پولیس بھی موقع پر پہنچ گئی۔
پولیس کے مطابق بلال کی بیوی گھریلو جھگڑوں کے باعث ناراض ہو کر میکے چلی گئی تھی، جس پر دلبرداشتہ ہو کر بلال نے یہ انتہائی قدم اٹھایا۔ اہل علاقہ کی مسلسل کوششوں سے محمد بلال کو بالآخر کھمبے سے نیچے اتار لیا گیا۔
پولیس نے بلال کو اپنی تحویل میں لے کر قانونی کارروائی کا آغاز کر دیا ہے۔