پشاور (این این آئی) — پشاور کے علاقے خٹکو پل میں فائرنگ کے ایک اندوہناک واقعے میں ایک ہی خاندان کے 6 افراد جاں بحق جبکہ ایک خاتون زخمی ہو گئی۔ پولیس کے مطابق جاں بحق افراد میں تین خواتین بھی شامل ہیں، جبکہ زخمی خاتون کو فوری طور پر لیڈی ریڈنگ اسپتال منتقل کر دیا گیا ہے۔
پولیس کا کہنا ہے کہ فریقین آپس میں پڑوسی تھے اور مقتولین پر مخالف گروہ کی ایک خاتون کے قتل کا الزام تھا۔ واقعے کے فوراً بعد حملہ آور موقع سے فرار ہو گئے۔ پولیس نے ملزمان کی گرفتاری کے لیے مختلف مقامات پر چھاپے مارنے شروع کر دیے ہیں۔