.jpg)
شزا ہمیشہ کہتی تھی:
"میں کسی کو دل نہیں دیتی… میں اللہ سے مانگتی ہوں، اور جو وہ دے، وہی میرا ہوتا ہے۔"
میں اُس کے اندازِ گفتگو پر ہنستا تھا۔
"سب کچھ مانگا جا سکتا ہے، مگر انسان؟ وہ خود سے آتا ہے، دعا سے نہیں۔"
وہ مسکرا کر کہتی:
"پھر تمہیں ثابت کر کے دکھاؤں گی۔"
ہم یونیورسٹی میں ساتھ پڑھتے تھے — شزا الگ، خاموش، مگر ہر دل کو چھو لینے والی۔
میں شوخ، بے پرواہ، اور اکثر مزاق کرنے والا۔
پہلے پہل میں نے اُسے صرف چیلنج سمجھا…
مگر پھر دل اُلجھ گیا۔
وہ سجدے کرتی، اور میں چاہنے لگا کہ اُس کی دعا میں میرا نام ہو۔
پھر وقت بدلا۔
شزا کو اُس کے والدین نے کسی اور کے رشتے کے لیے راضی کرنا شروع کیا۔
اور اُس نے ایک دن مجھے کہا:
"میں تم سے محبت کرتی ہوں… مگر میں نے تمہیں اللہ سے مانگا ہے، انسانوں سے نہیں۔"
میں خاموش ہو گیا۔
پہلی بار میری شوخی، سنجیدگی میں بدل گئی۔
میں نے بھی دعا کرنا سیکھا —
نماز کے بعد، بارش کے وقت، سحری میں، جمعے کو، ہر اُس گھڑی جب مانگی ہوئی چیز قبول ہو سکتی تھی۔
پھر ایک دن، شزا نے مجھے ایک پیغام بھیجا:
"قبول ہو گئی ہے…!!"
میں سمجھا شاید وہ کسی اور کے نکاح کی بات کر رہی ہے۔
مگر جب اُس نے اگلا پیغام بھیجا:
"امی ابا نے تمہارا رشتہ قبول کر لیا ہے…"
تو میری آنکھوں سے خوشی کے آنسو بہہ نکلے۔
اس دن مجھے یقین آ گیا،
محبت اگر سچی ہو…
تو وہ صرف دل سے نہیں،
سجدے سے بھی جیتی جا سکتی ہے۔
– "وہ جو دل میں ہو، اگر دعا میں بھی شامل ہو… تو اللہ کبھی خالی واپس نہیں کرتا۔"