نیویارک (این این آئی) — ٹیسلا، اسپیس ایکس اور اسپیس و کے سربراہ ارب پتی ایلون مسک نے اتوار کے روز سوشل میڈیا پلیٹ فارم ایکس (سابقہ ٹوئٹر) پر اپنا ڈسپلے نام تبدیل کر کے نیا تنازعہ پیدا کر دیا ہے۔
غیر ملکی رپورٹ کے مطابق، ایلون مسک نے اپنا نام "گارکلون رسٹ" رکھ لیا، جس پر سوشل میڈیا صارفین کی توجہ مرکوز ہو گئی۔ اس کے ساتھ ہی مسک نے اپنی پروفائل کی تصویر بھی تبدیل کر دی۔
"گارکلون" دراصل ایلون مسک کی AI کمپنی xAI کے چیٹ بوٹ کا نام ہے، جبکہ "رسٹ" ممکنہ طور پر اس پروگرامنگ زبان کی طرف اشارہ کرتا ہے جسے ایکس کے AI سسٹم میں استعمال کیا جا رہا ہے۔ مسک نے اپنے چیٹ بوٹ "گارکلون" کے پیروڈی اکاؤنٹ کو ٹیگ کرتے ہوئے لکھا، "سپر @گارکلون، میری پروفائل پکچر تمھاری والی سے تبدیل کی ہے، کیا خیال ہے؟" جس پر گارکلون نے فوری طور پر جواب دیا، "ٹھیک ہے، مگر کیا تمہیں میرا پورا چہرہ کاپی کرنا ضروری تھا؟"
اس تبدیلی کو سوشل میڈیا پر گروک اور رسٹ کے امتزاج کے طور پر دیکھا جا رہا ہے، جہاں گروک xAI کے چیٹ بوٹ کا نام ہے، اور رسٹ ممکنہ طور پر کمپنی کے ٹیکنالوجی ڈھانچے کا حصہ بن سکتا ہے۔