نئی دہلی (این این آئی): پاکستان نے بھارتی فوج کے 6 مہار یونٹ کا بٹالین ہیڈکوارٹر بھی تباہ کر دیا ہے، اور اس کی ویڈیو بھی سامنے آ گئی ہے۔ بھارتی ٹی وی ذرائع کے مطابق، بھارتی 6 مہار یونٹ آزاد کشمیر کی وادی لیپا کے سامنے مقبوضہ کشمیر میں واقع ہے۔
ذرائع کے مطابق، پاکستانی ایئر فورس نے بھارتی کے 6 طیاروں کو مار گرایا ہے جن میں فرانسیسی ساختہ جدید لڑاکا طیارے رافیل بھی شامل ہیں۔ سیکیورٹی ذرائع نے بتایا کہ پاکستان نے اپنے جوابی حملے میں بھارتی فوج کا انفنٹری بریگیڈ ہیڈکوارٹر تباہ کر دیا ہے، اور اس کی ویڈیو بھی منظر عام پر آ گئی ہے۔